Laura Cəbrayıllının “Yeddinci qat” kitabının imza və təqdimat mərasimi keçirilib
Yazar: Rey Kərimoğlu Tarix: 06 Mar 2010
Martın 4-də “Etüd” kitab evində (S.Vurğun küçəsi 31) Laura Cəbrayıllının “Yeddinci qat” kitabının imza və təqdimat mərasimi keçirilib. Tədbirdə Azərbaycanın görkəmli elm, ədəbiyyat, mədəniyyət xadimləri iştirak edib. Azərbaycan Yazıçılar Birliyinin katibi Rəşad Məcid tədbiri açaraq qələmə aldıqlarını toplayaraq “Yeddinci qat”ı nəşr etdirməklə l.Cabrayıllının çox ciddi bir iş ortaya qoyduğunu deyib. O, Laura xanımın yazılarının sevilə-sevilə oxunduğunu söyləyərək onun istedadlı bir qələm sahibi olduğunu qeyd edib. Davamı »
Bu gün Xocalı soyqırımı günüdür. 1992-ci il fevralın 25-dən 26-na keçən gecə Ermənistan Silahlı Qüvvələri Rusiyanın 366-cı motoatıcı alayının iştirakı ilə Xocalı şəhərini işğal edərkən etnik azərbaycanlılara qarşı soyqırım həyata keçiriblər. Bu faciə Dağlıq Qarabağ münaqişəsi zamanı ermənilərin törətdiyi ən dəhşətli qanlı hadisələrdən biridir. 
Yəmənin “Al Qaira” aylıq qəzetində çalışan jurnalist Məhəmməd Şui al-Rabui ölkənin şimal-qərbində, Beni Qaisdə yaşadığı evdə beş nəfər naməlum şəxs tərəfindən güllələnib. 
Respublikamızda səfərdə olan Dünya Bankının gənclər proqramının keyfiyyət, monitorinq və qiymətləndirilmə üzrə baş məsləhətçisi Azra Kaçapor Nurkiç Beynəlxalq Avrasiya Mətbuat Fondunda (BAMF) təşkilatın sədri Umud Rəhimoğlu ilə görüşüb. U.Rəhimoğlu BAMF-ın fəaliyyət istiqamətləri, nüfuzlu beynəlxalq təşkilatlarla əməkdaşlıq əlaqələri, humanitar və inkişaf sahəsində həyata keçirilən layihələr barədə qonağa məlumat verib, Dünya Bankının maliyyə vəsaiti ilə yerli və məcburi köçkün şagirdlər arasında həyata keçirilən “Ortaq məktəblərdə yerli və məcburi köçkün şagirdlər arasında qarşılıqlı sosial əlaqələrin inkişaf etdirilməsi, stimullaşdırılması” layihəsinin zəruriliyini bildirib. A.Nurgiç BAMF-la yaxından tanışlığına çox şad olduğunu deyib. 
Son on ildə ən çox jurnalist ölümü 2009-cu ildə qeydə alınıb. Bu barədə məlumat Beynəlxalq Mətbuat İnstitutunun (BMİ) yaydığı Dünya Mətbuat Azadlığı İcmalının 2009-cu il buraxılışında yer alıb. Son on il ərzində indiyədək ən yüksək rəqəm 100 olduğu halda, 2009-cu ildə 110 jurnalist öldürülüb. Buna görə də ötən il jurnalistlər üçün ən təhlükəli və ağır il hesab edilib. 
M.F. Axundov adına Azərbaycan Milli Kitabxanasında publisist Rəhilə Gülgünün “Xəbərin rəngi” kitabının təqdimat mərasimi keçirilib. Kitabda görkəmli jurnalist, pedaqoq Nəsir İmanquliyevin həyat və yaradıcılığı əks olunub. Tədbiri giriş sözü ilə açan “525-ci qəzet”in baş redaktoru Rəşad Məcid kitabın Mədəniyyət və Turizm Nazirliyinin təşəbbüsü ilə nəşr olunan “Silinməz izlər” seriyasından ikinci kitab olduğunu bildirib: “Bu seriyadan nəşr olunan “Göylər adamı” kitabı görkəmli yazıçı, pedaqoq Mir 
Beynəlxalq Avrasiya Mətbuat Fondu (BAMF) Azərbaycan Respublikası Prezidenti yanında KİV-lərin İnkişafına Dövlət Dəstəyi Fondu tərəfindən maliyyələşdirilən “Azərbaycanda KİV-in dünya informasiya məkanına çıxışı vəziyyətinin araşdırılması, beynəlxalq media qurumlarının təcrübəsinin öyrənilməsi və onlarla əməkdaşlıq əlaqələrinin qurulması” layihəsi çərçivəsində Azərbaycan Mətbuat Şurasının iclas zalında 2-ci dəyirmi masa keçirib. “Azərbaycan mediasının beynəlxalq əlaqələri: real vəziyyət və çıxış yolları” mövzusunda keçirilən dəyirmi masanı BAMF-ın sədri, sözügedən layihənin rəhbəri Umud Rəhimoğlu açaraq Azərbaycan mediasının beynəlxalq əlaqələrinin inkişaf etdirilməsinin vacibliyindən danışıb. U.Rəhimoğlu rəhbərlik etdiyi təşkilatın Azərbaycan həqiqətlərini 
Avropa İnsan Haqları Məhkəməsi xəbər agentliklərinin mənbələrinin məxfiliyi hüququnu təsdiqləyən qərar qəbul edib. Bu barədə Beynəlxalq Avrasiya Mətbuat Fonduna (BAMF) Beynəlxalq Mətbuat İnstitutundan məlumat verilib. Verilən qərara əsasən 5 xəbər qurumu – “The Guardian”, “The Independent”, “The Times”, “The Financial Times” və “Reuters” “Interbrew” pivə zavoduna qarşı işi udub. 2001-ci ildə Böyük Britaniya məhkəməsi bu qurumlardan onlara naməlum şəxslər tərəfindən göndərilmiş “Interbrew” pivə zavoduna onun maliyyə məsləhətçiləri tərəfindən təqdim olunmuş Cənubi Afrika Pivə zavodları üçün mümkün təkliflər haqqında sənədləri verməsini tələb edib. Onlar buna cavab olaraq işi Avropa İnsan Haqları Məhkəməsinə təqdim edib. 
Yaponiyanın Azərbaycandakı səfirinin müavini Toshikazu MUTO Beynəlxalq Avrasiya Mətbuat Fondunda (BAMF) olub. Səfirliyin təşəbbüsü ilə reallaşan görüşdə Toshikazu MUTO BAMF-ın fəaliyyəti ilə maraqlanıb. BAMF-ın sədri Umud Rəhimoğlu və qurumun beynəlxalq məsləhətçisi Lütfül Kabir qonağa təşkilat haqqında geniş məlumat veriblər. L.Kabir BAMF-ın fəaliyyət istiqamətindən və həyata keçirdiyi layihələrdən də danışıb. 
Dekabrın 3-də Somalinin paytaxtında baş verən partlayış nəticəsində 3 jurnalist həlak olub. Beynəlxalq Mətbuat İnstitutundan (BMİ) Beynəlxalq Avrasiya Mətbuat Fonduna verilən məlumata görə, partlayış Banadir Universitetinin buraxılış mərasiminin keçirildiyi mehmanxanada olub. Güman olunur ki, həlak olanların çoxu tələbələrdir. Partlayış nəticəsində daha iki jurnalistin yaralandığı, üçünün isə xəsarət aldığı bildirilir. 